BUKIKTINGGI

Bukiktinggi Koto Rang Agam

Bukiktinggi pasanyo lereng
Benteng di jago dek sardadu
Kampuang den sapantun kacang goreng
Abih dikinyam dek urang lalu

Bukittinggi koto rang Agam
Mandaki janjang ampek puluah
Kakida jalan ka Malalak
Panyakik sagadang bijo bayam
Sakik bak raso kamambunuah
Di ubek indak namuah cegak

Nan sarasan di Bukiiktinggi
nan Kapiten di Tanjuang Balai
Anak cino mamotong bungo
Bungo cimpago rang namokan
Sungguah pandai adiak kini
Pandai mambujuak hati denai
Di lahia sajo batarimo
Batin di dalam maulak kan

ambo mancubo mancaliakan alam bumi Bukiktinggi:
Kantor Balaikota bukiktinggi
Kini kantua iko alah pindah ka gaduik gulaibancah
awalnyo kantua iko barado di muko lapangan kantin bukiktinggi.

Ngarai Sianok
Ngarai sianok adolah sebagai tempat wisata bagi turis lokal
maupun mancanegara.alam pemandangan nan masih asri dan hijau
mambuek sanang mato mamandang.
pemandangan nanrancak iko bisa dicaliak dr kawasan Lobang Japang

Jam Gadang
iko juo sebagai tampek wisata di daerah bukiktinggi
lokasinyo terletak di daerah pasa ateh bukiktinggi,
dr siko awak bisa mancaliak kota bukiktinggi.Jembatan Limpapeh
nah klu dunsanak nio turun ka simpang tembok
dr pasa ateh akan melalui daerah kampuang cino,
nah jembatan limpapeh ko pas berado di daerah kampuang cino tsb.
jembatan iko manghubungkan antaro
kabun binatang jo benteng ford de cock.
Benteng Ford de Cock
benteng peninggalan bulando di zaman penjajahan.
iko juga sebagai tampek wisata selain jam gadang,ngarai sianok.
benteng iko juga sebagai ikon bagi daerah bukiktinggi..
ndak salah klu bukiktinggi disabuik kota wisata


Nah dek lah panek bakuliliang di bukiktinggi
tantu paruik lah taraso litak..!!!!
ambo baok dunsanak pai maisi kampuang tangah ka daerah
pasa lambuang
Pasa Lambuang
nan disiko dunsanak dapek marasoan nan sabananyo
masakan urang awak sagalo macam makanan dapek dunsanan makan
dr gulai tambusu,randang,gulai tunjang,gulai kapau,Katupek dan
sagalo macam makanan kok lah makan disiko
yo baa kecek urang sarupo itiak pulang patang bajalannyo
dek paruik lah tapurangah bana.Nah iko pasa di daerah pakan kamih koto tangah
dunsanak bisa makan katupek nan lamak
bukaknyo hari kamis dan hari minggu sajo


Baa dunsanak..??ambo alah cubo bacurito tantang nagari bukiktinggi
jadi bagi dunsanak nan lah lamo marantau...
pasti saketek banyaknyo maraso sanang dek carito ambo.
selain sanang tantu taragak juo untuak pulang
kok baitu mari kito silau juo kampuang kito...

Wassalam

created by Muzammil